Sa pagbanat ni Duterte sa Simbahan | PACQUIAO, IWAS-PUSOY

“MAHIRAP mag­bi­gay ng comment. Like I said, may karapatan siya kasi may experience siya nu’ng bata pa siya. Kung anuman ‘yung nasasabi niya, siya may experience du’n, sinasabi lang niya ‘yung experience nu’ng bata siya. Mahirap ma­kisawsaw”.

Ito ang reaksiyon ni Se­nador Manny Pac­quiao ka­ugnay sa mga banat ni Pa­ngulong Rod­rigo Duterte sa Simba­hang-Katolika.

“Baka may pinagda­anan siya nu’ng bata siya na hindi natin alam. Mala­lim na pinagda­anan niya so, mahirap magbigay ng com­ment,” dagdag pa ng mam­ba­batas.

Hinikayat naman ni Pac­quiao ang mga Pili­pino na araw-araw mag­basa ng Bible.

Samantala, ayon pa sa senador, ang Simbahan uma­no ang dapat mag-initiate para makausap ang pangulo.

“Puwede sigurong ga­u’n, dapat ang Ca­tho­lic Church ang unang mag-initiate ng dia­logue, mag-request ng dialogue kasi ang pangulo busy sa problema ng bansa natin,” pahayag pa ng se­nador. (BRT)