GF, tinawag na ahas, starlet at Flop Queen… LUIS, NAPIKON, HINAMON NG FACE-TO-FACE ANG BASHER NI JES

Anj Cabilla / PAK ANG GANAP!

HINDI na nakapagpigil ang TV host na si Luis Manzano sa pamba-bash ng mga netizens sa kanyang GF na si Jessy Mendiola.

May isang basher kasi na nag-iwan ng comment sa isang post ng TV host.

Aniya, “Sana, masaya ka sa pag-uungkat ng nakaraan. Move on, girl!! Kawawa ‘yung taong wala naman talagang kasalanan. Idina­may mo pa sina JM at Enrique Gil sa pagkaka-depress mo. Kasa­lanan mo naman ang lahat. Ahas. Starlet. Flop Queen. Pumayat nga pero mabaho pa rin.”

Hinamon ito ni Luis at sinabing, “‘Wag nagmamarunong kung walang alam sa lahat ng pangya­yari.

Panindigan mo naman mga sinasabi mo, DM mo ako details mo promise bibigyan kita ng chance sabihin lahat ‘yan harap-hara­pan.”

Nagsimulang ma-bash ang aktres nang aminin niyang nagkaroon siya ng depression na nag-ugat sa sunud-sunod na isyu at intrigang kanyang kinaharap noon. Ka­sama na rito ang plane incident nila ni Enrique Gil at hiwa­layan sa dating karelasyon na si JM de Guzman.