5 miyembro ng dugo-dugo gang, arestado

HULI ang lima katao, kabilang ang apat na babae na pawang mga miyembro ng Dugo-Dugo Gang mata­pos magsagawa ng entrap­ment operation ang Quezon City Police District Station 4 sa Novaliches.

Kinilala ang mga suspek na sina Diane Crisostomo, Jhen Sanchez, Bernadeth de Guzman, Julieta Joseph at Melvin Pacia.

Ayon kay QCPD Sta­tion 4 Chief Superinten­dent Rossel Cejas, dumulog sa ka­nilang himpilan ang bikti­mang si Robert Barit ma­karaang pagbentahan ng isang alyas Harold ng isang singsing na mayroong diya­mante na nagkakahalaga umano ng P15,000.

Nakumbinsi si Barit na bilhin ang singsing subalit, nang dalhin nito sa sanglaan ay napag-alamang peke pala ito.

Kinabukasan, nakatang­gap ng panibagong alok si Barit mula pa rin kay Harold.

Sa pagkakataong ito, relos na Rolex na nagkakaha­la­gang P30,000 ang ibine­benta sa kanya.

Agad nagkasa ng ope­rasyon ang mga awtoridad na nagresulta sa pagkaka­aresto kay alyas Harold na na­kilalang si Pacia at kanyang mga kasabwat.

Narekober mula sa mga suspek ang 25 piraso ng mga branded umanong relos, mga alahas, 12 cellphones at P66,000 cash.

Kaugnay nito, mahaha­rap ang anim sa kasong es­tafa, swindling at paglabag sa Anti-Fencing Law. (BRT)