TANKERS NG DAVAO CITY, NAKA-3 GOLD SA BIMPNT-EAGA

BRUNEI— Maagang nagparamdan ng lakas at determinasyon ang mga batang swimmers mula sa Davao City sa napagwa­giang tatlong gintong me­dalya sa pagsisimula ng swimming competition ng 10th Brunei-Indonesia-Malaysia-Philippines-Northern Territory-East Asian Growth Area (BIMPNT-EAGA) Friendship Games nitong Huwebes sa Hassanal Bolkiah National Sports Complex.

Nagwagi sina Joshua Raphael del Rio (200-m freesttyle), Fritz Jun Rod­riguez (50-meter breastroke) at Elson Jake Rodriguez (50-meter backstroke) para sa matikas na panimula ng National Team na kinatawan ng mga atleta mula sa focus areas na Davao at Palawan.

Pormal na sinimulan ang limang araw na torneo sa makulay na opening ceremony sa Indoor Stadium sa pangunguna ni Major General (ret.) at Minister of Culture, Youth and Sports Dato Paduka Seri Haji Aminuddin, Ihsan bin Pehin Orang Kaya Saiful Mulok, Dato Seri Paduka Haji Abidin bilang mga panauhing pandangal.

Sa ginanap na sere­monya, tinanggap din ni PSC Commissioner at Chef-de-Mission Charles Maxey ang hosting para sa 11th edisyon na gaganapin sa Davao City.

Layunin ng BIMP-EA­GA na mapala­kas at mapata­tag ang ugna­yan ng mga kasaping bansa. Malugod na ipinahayag ni BIMPNT-EAGA Sports Council chairman Jufri Rahman ang kasabikan para sa hosting ng Davao City.

Bumuntot si Eirron Seth Vibar sa kababa­yang si Del Rio para sa 1-2 finish ng Pilipinas sa 200 meter freestyle.

Ang iba pang silver medalists sa Team PH ay sina Ivo Nikolai Enot (100-meter backstroke), Kierl Suazo (50-meter free, Vibar (200-meter breas­troke) at 4X50 freestyle relay team nina Suazo, Elson Jake Rodri­guez, Juan Antonio Men­doza at Fritz Rod­riguez. (MC)