Duterte sa Kongreso: MARTIAL LAW SA MINDANAO, I-EXTEND

KINUMPIRMA ni Exe­cutive Secretary Salvador Medialdea na hiniling na ni Pangulong Rodrido Du­terte sa Kongreso na palawigin ang pag-iral ng Martial Law sa Mindanao.

Ayon kay Medialdea na batay sa proseso, ka­ilangang magpatawag ang Senate Pre­sident at House Speaker ng joint session upang talakayin ang kahilingan ng pa­ngulo.

Una nang inihayag ni Senate President Vicente ‘Tito’ Sotto III na nag­paabot na ng abiso si Pangulong Duterte para sa hangarin ni­tong Mar­tial Law extension.

Posibleng sa Miyer­ku­les, Disyembre 12, ipa­tawag ang special session ng Kon­greso.

Samantala, sa reko­men­­dasyon ng Armed Forces of the Philip­pines (AFP) at Phi­lippine National Police (PNP), isang taon pang paiiralin ang Martial Law sa Mindanao. Kabilang sa mga na­ging basehan ng militar para pa­lawigin pa ng isang taon ang Batas-Militar ay dahil sa “cla­mor” ng mga sibilyan at pre­sensiya ng mga tero­rista lalo na ang napaulat na pre­sen­siya ng mga foreign terro­rist mula Middle East, In­done­sia at Malaysia.