BEACH VOLLEYBALL GAME, TAMPOK DIN SA ENVIRONMENT ADVOCACY

MAKAHULUGANG beach volleyball game para kay dating Philippine Sports Commission (PSC) commissioner Tisha Abundo ang kanilang ilulunsad simula sa susunod na taon. Kilala sa pag-angat ng popularidad ng beach volleyball sa bansa sa maraming taon, sinabi ni Abundo na ang paghahanda ukol dito ay sinisimulan na nila sa pagdaraos ng mga beach volleyball competitions sa mga piling siyudad at probinsiya sa buong bansa.

“But this time, it’s not just about beach volleyball. It’s not just about beautiful ladies with beautiful faces with tremendous volleyball skills,” ayon kay Abundo sa “Usapang Sports” ng Tabloid Organization in Philippine Sports (TOPS) sa National Press Club sa Intramuros, Manila. “It’s also about environment – helping raise awareness about a clean and safe environment where we can play exciting beach volleyball,” dagdag ng walang kupas sa pagiging aktibo ng 69-anyos na dating national volleyball player na nagsilbing komisyoner ng PSC mula 1998 hanggang 2001.

Idinagdag pa ni Abundo, na sa edad 17 at pinaka­batang player na kumatawan sa bansa sa volleyball noong 1966 Asian Games sa Bangkok na umaagapay siya sa isang pribadong grupo na tumutulong sa mga lokal na government units para sa paglilinis ng kapa­ligiran kasabay ng pagdaraos ng mga torneo ng beach volleyball sa mga dalampasigan. “I have a lot of friends – beautiful friends – in the beach volleyball community who are willing to lend a hand in this noble cause.