HOTSHOTS, TILA ‘DI PAAAWAT GAME 2 FINAL, DADALIHIN BA?

PUNTIRYA ng Magnolia Hotshots ang pangalawang sunod na panalo sa muling pakikipagsagupa sa Alaska Aces sa kanilang best-of-seven title series ngayon sa Araneta Coliseum.

Haharapin ng Hotshots ang Aces ng 7 p.m. determinadong duplikahin ang 100-84 panalo sa Game 1 kung saan umiskor si Romeo Travis ng 29 points, 13 rebounds at five assists tinalo si Mike Harris sa kanilang personal duel.

Muling pangungunahan ng balbasing kababata ni Los Angeles Lakers NBA superstar LeBron James sa Ohio ang scoring offensive ng Magnolia katuwang sina Marc Barroca, Paul Lee, Jio Jalalon, Ian Sangalang, Rome de la Rosa, Justin Melton at Rafi Reavis.

Maliban sa scoring offensive, babantayan din ni Travis ang shaded area katuwang sina Sangalang at Reavis upang hindi maka-penetrate ang Aces na sina Mike Harris, Simon Enciso, Chris Banchero, Kevin Racal, JV Casio, Chris Exciminiano, Vic Manuel at Sonny Thoss.

Ito ang araw nang gantihan niya si Travis at ipakita ang championship credential at akayin ang Alaska Aces sa victory stand. “We have to win anew to solidify our title campaign. We will use our victory in the initial game as leverage to win,” sabi ni coach Chito Victolero at target ang una niyang titulo sa PBA na hindi nagawa ni coach Jason Webb.

Sa kabila nang natalo sa Game 1, buo pa rin ang loob ni coach Alex Compton at kumpiyansa siya na makababalik ang bataan niya sa pangunguna ni Harris at itabla ang serye.

“We played disorganized game. Our offense and defense not complimented each other. We closely reviewed and analyzed Game1 and find out where we failed,” sabi ni Compton. “This time, we will return to the court well prepared and determined to win to even the series. We cannot afford to lose the game to avoid getting into trouble. We will do everything and go for a win,” ani Compton.

Matagal nawala sa limelight ang Aces matapos bigyan ng 11 PBA titles kasama ang grandslam noong 1996 at gustong ibalik ni Compton ang dangal at masasayang araw sa Aces sa pagsungkit ng Governor’s Cup at masayang ipagdiwang ang Kapaskuhan.