Sey ng experts... PAGTE-THANK YOU, EPEKTIB NA PANLABAN SA PAGKAIN NG JUNK FOODS!

Jersey Sanchez / Gulat ka 'noh?!

ANG pagsasabi ng “thank you” ay hindi lamang para maipakita na nag­papasalamat ka, lodi. Knows mo ba na ang simpleng pagte-thank you ay may magandang na­idudulot sa ating food habit? Wow!

Napag-alaman ng mga dalubhasa na ang “gratitude therapy” ay may magandang epekto sa mental at physical health ng tao.

Ang gratitude therapy ay isinasagawa sa pamama­gitan ng pagpa­pasalamat sa magulang, guro at kaibigan dahil sa mabuting bagay na nagawa nila para sa atin.

Ayon sa mga eksperto, ang simpleng pagsusulat ng thank you letter ay may epek­to sa psychological well-being, physical health at heart health.

Maliban pa rito, ang gra­titude therapy ay maaari ring makatulong sa paghinto ng mga teenager sa pagkain ng junk foods at tuluyan nang mag-healthy diet.

Sa pag-aaral, 1,000 ka­bataan na nasa edad 14-15 ang kasama sa eksperimen­tong isinagawa sa University of California.

Ang mga kalahok ay sumagot sa survey kung saan ang mga tanong ay tungkol sa kanilang diet at kung paano nila gus­tong mapaganda ang kani­lang ka­lusugan.

Hinati sa dalawang gru­po ang mga kalahok kung saan ang isang grupo ay pi­naglista ng kanilang ginagawa araw-araw at ang isa naman ay gumawa ng gratitude the­rapy.

Ang mga kalahok ay bi­nigyan ng sampung minuto upang sumulat ng thank you letter para sa mga taong na­ging mabuti at supportive sa kanila.

Isinasagawa ang na­sabing therapy ng isang be­ses sa isang linggo sa loob ng isang buwan.

Samantala, ayon sa mga researcher, ang pagpapakita ng gratitude sa indibiduwal ay nakatutulong upang mas madalas silang kumain ng ma­susustansiyang pagkain kum­para sa grupo na hindi nagsawa ng therapy.

Kaya ang payo ng mga eksperto, kung gusto n’yo talagang maging healthy, sa­bayan ng regular na eher­sisyo ang pagkain ng mga ma­susustansiyang pagkain.

Oh, ayan, mga beshy, hindi na tayo mahihiyang magsabi ng thank you dahil sa napakagandang health benefits nito.

Copy?