Misis kinatay ni mister

PATAY ang isang misis matapos pagsasaksakin ng kanyang mister kahapon ng madaling-araw sa Muntin­lupa City.

Kinilala ang biktima na si Romelyn Alaro y Peñaro­dondo, 29, ng Poblacion, Mun­tinlupa City, na nagta­mo ng ilang saksak sa iba’t ibang bahagi ng katawan.

Tinutugis naman ang suspek na si Richard Alaro, 31. Ayon sa ulat, naganap ang pananaksak sa loob ng bahay ng mag-asawa alas-3:30 ng madaling-araw.

Kuwento ng ina ng sus­pek na si Julieta, nagkaroon ng pagtatalo sa pagitan ng mag-asawa alas-11:00 ng gabi.

Pagdating ng ala-1:00 ng madaling-araw, lumabas ng bahay at hindi na matagpu­an ang suspek.

Makalipas ang dalawa at kalahating oras, natagpuang wala ng buhay at puno ng dugo ang biktima sa loob ng kanilang bahay.

Hinihinalang selos o love triangle ang motibo sa nang­yaring pananaksak sa kan­yang misis.