Mga cong. busog sa 'pork', kapag gumagawa ng batas parang nalipasan ng gutom, nye!

PABLO L. HERNANDEZ III / PRANGKAHAN

CJ BERSAMIN, NAG­PAKITANG-GILAS KAY HOUSE SPEA­KER GMA? —Pina­bo­ran ng Supreme Court (SC) ang naging desis­yon ng Court of Tax Ap­peal (CTA) na nagba­basura sa P27 milyon tax evasion case laban kay dating Congressman Mikey Arroyo.

Hanep! Mantakin nin­yo, mahigit isang linggo pa lang naitata­laga ni P-Duterte si Chief Justice Lucas Bersamin bilang ba­gong Chief Justice ng SC, eh, nag­paki­tang-gilas na agad siya kay House Speaker Gloria Macapagal-Arroyo na ermat ni Mikey, buwisit!

◘◘◘

TULAD NI FAEL­DON; LAPEÑA, LU­SOT DIN SA ‘KOMI­TE DE ABSUWEL­TO’ NI SEN. GORDON—Inabsuwelto ni Sen. Richard Gordon, chairman ng Senate Blue Ribbon Committee si dating Bureau of Customs Com­mission­er Isidro Lapeña sa is­yung P11 bilyon shabu smuggling sa Adwana.

Ganyan din ang gina­wa ni Sen. Gordon, inab­suwelto rin niya sa P6.4 bilyon shabu smug­gling si dating Bureau of Customs Commissioner Nicanor Fael­don.

Dahil sa mga isyung ‘yan, lumalabas ngayon na tila totoo ang naging alegasyon noon ni Sen. Antonio Trillanes IV na ang komiteng pinamu­mu­nuan ni Sen. Gordon ay “komite de absuwel­to” ng Senado, boom!

◘◘◘

MGA MAMBA­BA­TAS, BUSOG NA NAMAN SA PORK BARREL PERO, KA­PAG GUMAWA NG BATAS PARANG NA­LIPASAN NG GUTOM —Nais ng mga pro-Duterte congressman na bumuo ng Philippine Space Agency (PhilSA) na mangangasiwa raw sa kalawakang sakop ng Pilipinas.

Ano ‘yan, para i-justify ng mga pro-Duterte congressman na hindi fake news ang ipinakalat sa social media noon ng mga DDS blogger na si P-Duterte ang best pre­sident sa solar system o kalawakan?

Pambihirang mga mambabatas, palagi silang busog dahil may yearly pork barrel sila, tapos kapag nakaisip gumawa ng batas, akala mo mga nalipasan ng gutom, boom!

◘◘◘

PNP-REGION 3 DIRECTOR CORONEL, GINAGAMIT SA RAKET NG MGA ‘TONGPATS’ COLLECTOR—May mga “tong­pats” collector na raw ang nag-iikot sa mga iligalista sa Central Luzon at ipi­nanghihingi raw ng week­ly payola si newly-appointed PNP Region 3 Director, C/Supt. Joel Coronel.

Naku, malamang may paglagyan ang mga “tongpats” collector na ito kasi sa lahat ng ayaw ni C/Supt. Co­ro­nel ay may guma­ga­mit sa kanyang pa­ngalan para maka­panraket, period!