Ilang retailers na mapagsamantala dahilan kung bakit may taas-presyo sa asukal!

RYAN B. SISON / BOSES

SA taas-presyo ng mga bilihin, parti­ku­lar na ng presyo ng asukal, marami sa atin ang sobrang naaapektuhan kung saan maging ang mga nagsisimu­lang magnegosyo ng mga produktong sinasangkapan nito ay namumroblema na rin, lalo na ngayong malapit na ang Pasko kaya hindi na mapigilan ng ilan na magreklamo.

Pero, ang buwelta ng Sugar Regula­tory Administration (SRA), wala uma­nong naging problema sa suplay ng asu­kal nang magtaas ito ng presyo kaya lang, posible na may mga nananamantalang negosyante kung saan imbes na P53 hanggang P55 kada kilo lamang ang presyuhan sa refined o white sugar ha­bang P45 hanggang P48 naman sa brown at washed sugar ay nagiging P55 hang­gang P60 kada kilo ang bentahan nito sa pamilihan.

Sa ngayon, nasa mga kamay na uma­no ng Department of Trade and In­dustry (DTI) ang pagbabantay at pagsita sa mga nagbebenta ng overpriced na asukal sa merkado at wala sa SRA.

Gayunman, nakikipag-ugnayan na rin ang SRA sa DTI at sa Department of Agriculture para itakda na ang Sugges­ted Retail Price (SRP) ng asukal.

Kaya nais nating kalampagin ang mga kinauukulan na huwag tayong magtu­lug-tulugan pagdating sa ganitong mga usapan dahil hindi natin alam kung ano ang maaaring maging epekto nito sa ating ekonomiya.

Samantala, mukha mang mababaw na problema, solusyunan agad kung kaya nang hindi na lumala pa!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.