CHESS AT BASEBALL SA TOPS ”USAPANG SPORTS”

SENTRO ng balitak­takan ngayon ng “Usapang Sports” ng Tabloid Organi­zation in Philippine Sports (TOPS) ang chess at base­ball sa National Press Club sa Intramuros, Manila.

Magbibigay ng kanilang pananaw sa katayuan ng chess at sa pagsabak ng Na­tional Team sa 17thAsian Con­tinental Chess Cham­pionships (2nd Manny Pac­quiao Cup) sina National Chess Federation of the Phi­lippines (NCFP) president Prospero “Butch” Pichay, Asia’s first GM Eugene Torre at GM Jayson Gon­zales.

Nakatakda ang torneo sa Dec. 9-19 sa Tiara Hotel sa Makati na tatampukan ng chess masters mula sa 16 bansa at magsisilbing quali­fying para sa World Chess Cup 2019 sa Khanty-Mans­yisk, Russia.

Sasandigan ang Team Philippines nina GMs John Paul Gomez, Darwin Laylo at Joey Antonio, IMs Jan Emmanuel Garcia, Haridas Pascua, Marvin Miciano, Paolo Bersamina at bagong ASEAN seniors champion Chito Garma sa men’s di­vision, gayundin si WGM Janelle Mae Frayna sa wo­men’s class.

Magbibigay din ng ka­nilang mensahe ang bagong UAAP junior baseball cham­pion Ateneo de Manila, sa pa­ngunguna ni sports direc­tor Randy Dizer. Winalis ng Ateneo ang NU, 2-0, sa best-of-three series sa Rizal Memorial Sports Stadium.

Nakatakda ang progra­ma, suportado ng National Press Club sa pamumuno ni Rolando ‘Lakay’ Gonzalo ng 10 a.m.

Samantala, ilalarga bu­kas ang PSC-Korea Institute of Sports Science national coa­ches/school coaches quar­terly lectures sa Phil­Sports Complex sa Pasig City.

Hinayag ni Ramirez na may mga lecturer na may Doctor of Philosophy at Master of Arts kaya may pagkakataon ding makadalo ang coach na may PhD at MA mula sa DepEd bukod sa national team.

Pasok pa rin ang pro­rama ng natio­nal government sports agency sa grassroots kung saan nito lang nakaraan ay nakipag­kasundo sa Dep­Ed upang magpokus sa 20 sports na lalaruin mula sa Palaro, Ba­tang Pinoy C’ships at PNG ng PSC. (ATD)