Karapatang edukasyon para sa mga may kapansanan, ibigay!

RYAN B. SISON / BOSES

SA ginanap na pagdiriwang ng Interna­tio­nal Day of Persons with Disabilities noong Dis­yembre 3, ipinanawagan ng grupong tumutu­long sa mga may kapansanan ang karapatang edukasyon at nutrisyon para sa kanila.

Mayroong 1.4 milyon PWDs sa bansa at 300,000 sa kanila ay kabataan na nangangaila­ngan ng edukasyon at sapat na nutrisyon.

Sa ngayon, mapapansin natin na maraming PWDs ang sa mga pangkaraniwang eskuwela­han lang pumapasok at nag-aaral kung saan nakararanas sila ng “bullying” o pangungutya mula sa kapwa nila estudyante at iba pa. Ito ay sa kadahilanang kahit may mga paaralan na makasuporta sa kanilang pinagdaraanan, wala naman silang kakayahang mag-enroll sa mga ito.

Gayunman, may ilan pa ring handang tumu­long at malawak ang pang-intindi sa kanila, pero mayroon ding mapanghusga at ‘yun ang dapat natin iwasang maranasan nila.

Kaya upang maibigay ang karapatang edu­kas­yon at tamang nutrisyon para sa kabataang PWDs, hinihiling natin sa gobyerno na sana ay bigyang-pansin ang isyung ito nang sa ga­yun ay maipakita rin nila sa mundo kung anu-ano ang mga kakayahang maipakikita nila sa mundo kahit may kakulangan sila sa kanilang pisikal na kaanyuan.

Dagdag pa rito, mas makasisigurado ta­yong hindi sila maaabuso at magkakaroon sila ng paunang hakbang tungo sa magandang kinabu­kasan.

Samantala, ‘ika ng ilan, upang maging ma­ayos ang takbo ng isang bayan, pagtutulungan ang kailangan kaya diskriminasyon, tuldu­kan!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.