Away-kalsada, 4 dedbol

PATAY ang dalawang pulis at dalawang iba pa sa naganap na barilan sa Tarlac makaraang magkainitan sa kalsada. Batay sa ulat, nagsimula ito sa paninita sa isang dump truck sa Capas, Tarlac nitong Sabado.

Sakay ng truck sina Senior Police Officer 2 Jayson Garcia at Bernie Hernandez nang sitahin umano sila ng tanod na si Clint Donald Lugtu, kapatid niyang si Police Officer 3 Vincent Lugtu at Renato Mercado.

Nauwi ang hindi pagkakaintindihan sa pagtatalo, hanggang sa mabaril ng pulis na si Lugtu ang pulis din na si Garcia.

Gumanti naman si Hernandez na ikinamatay kalaunan ni Lugtu at dalawa niyang kasama.

Pagkatapos ng insidente, tumakas si Hernandez na naaresto rin. (BRT)