ACES AT BALLERS, HAHARAP PARA SA KORONA NG NBL

MAGHAHARAP ang Parañaque at Dasmariñas para sa kampeonato ng National Basketball League (NBL). Ito ay matapos dai­gin ang mga katunggali sa knockout semifinals noong Sabado sa laro na ginanap sa San Dionisio Gym.

Tinalo ng Parañaque Aces ang Laguna Pistons, 104-96, habang nanaig ang Dasmariñas Ballers kontra Bulacan Makabayan, 96-93, upang umabanse sa finals na magsisimula nga­yong Miyerkules sa San Dionisio gym sa Parañaque City.

Gaganapin ang Game 2 sa Philippine Christian Uni­­versity-Dasmariñas gym sa Sabado. Gumawa ng 21 points, 9 rebounds, at 7 assists si JR Galit, ha­bang umiskor ng 18 points si Noy Bermudes para sa koponan ng Aces na ang head coach ay ang dating Letran Knight na si Harold Sta. Cruz.

Samantala, pina­nguna­han ni John Cantimbuhan ang atake ng Ballers mata­pos gumawa ng 22 points at 6 assists, habang 15 points ang ikinamada ni Junard Caparida para sa Dasma­riñas.

Nakumpleto ng Ballers ang upset kontra Bulacan Makabayan na nagtapos ng unang puwesto sa eliminations at twice-to-beat sa pagpasok ng semifinals.