Para raw gising | DIGONG, UMAMING NAGMA-MARIJUANA

INAMIN ni Pangulong Rodrigo Duterte na guma­ga­mit siya ng marijuana upang manatiling gising sa kanyang pagdalo sa Association of Southeast Asian Nations (ASEAN) Leaders’ Summit sa Singapore.

“It’s a killing activity, and I think my age... Ako hindi masyado, kasi nagma-ma­rijuana ako, eh, para ma­gising. Sa ibang hindi na kaya,” ani Duterte sa kan­yang talumpati sa awarding ceremony ng mga ASEAN National Organizing Council sa Malacañang.

Ayon kay Duterte, naka­mamatay ang schedule at mga aktibidad sa ASEAN meetings lalo na sa kanyang edad kung saan ilang minuto lamang ang break sa mag­kakasunod na pagpupulong na maaga pang nagsisimula.

“Susmaryosep, walang tulog. And the more that the crescendo becomes faster, mas lalo kang ‘di nakaka­tulog kasi hinahabol ka na babasahin, eh, and so, you do not want your president to look ignorant. So, I have to catch up with the reading, wala na talagang pana­hon,” ani Duterte.

Dahil dito, sinabi ng pa­ngulo na mga mahahalaga at urgent meeting na lamang ang kanyang dinaluhan.

Gayunman, sa isang ambush interview, nilinaw ng pangulo na nagbibiro lamang siya at nais lamang nito na magpatawa sa aniya’y boring na talumpati.

“Of course, kayong media, I want to shake a tree in the middle of a… boring ‘pag wala, alam mo naman nagpapatawa talaga ako. Boring ‘pag wala ano. Ba­kit ikaw? Do you really believe na nagsigarilyo ako ng ma­rijuana?” paglilinaw ni Duterte.

“Ganu’n ako you don’t bind me with your… kung sabihin ninyo I was joking all the time I won’t mind. It was a joke of course it was a joke but nobody can stop me from just doing my style minsan sabi n’yo misogynist ako biro ako ng ganu’n that’s my style, it’s too late to change if I want to joke I will joke, joke, jokin mo, kung maniwala kayo ga** kayo,” giit pa ni Duterte.