Kasabay ng 13 month pay at bonus, dagdag-sahod para sa mga guro ng public schools, ibigay!

RYAN B. SISON / BOSES

LABIS ang pagkadismaya ng ilang mga guro ng pampublikong paaralan sa iba’t ibang panig ng bansa dahil hang­gang ngayon ay hindi pa rin napagbi­bigyan ang kanilang hiling na umento sa suweldo.

Matatandaang, matapos doblehin ang sahod ng kapulisan ay hiniling din ng mga guro na taasan ang kanilang suweldo, lalo na ngayong tuluy-tuloy ang pagtaas ng presyo ng mga bilihin.

Kaya nagsagawa ang ilang public school teachers ng pagpupulong sa ka­nilang mga eskuwelahan kung saan ma­ging ang mga estudyante ay kasama nilang ipinaglalaban ang kanilang mga hinaing sa pamahalaan, gayundin ipi­naliliwanag nila na dapat nang dagdagan ang kanilang sahod at allowance.

Sa totoo lang, hindi natin alam kung bakit tila nagtataingang-kawali ang gobyerno pagdating sa kanila, gayung halos araw-araw ang kanilang paghingi ng dagdag-sahod.

Ang nakalulungkot pa rito, wala ng pinipiling edad ang pumapasan sa prob­lema ng bayan dahil kahit na ang mga bata ay mulat na sa mga ito na dapat ay hindi pa nila pinoproblema.

Gayunman, hindi pa rin nawawalan ng pag-asa ang mga guro na balang-araw ay tutugunan din ng pamahalaan ang ma­tagal na nilang pakiusap.

Kaya ang panawagan natin sa gob­yerno, kung mayroong maibibigay at alam naman natin karapat-dapat silang bigyan, bakit hindi pa simulan?

‘Yung iba nga r’yan, kahit puro ka­ti­wa­lian, eh, tinaasan, he-he-he!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.