Ibinuking ni Sharon… RICHARD, 'DI MAALALA KUNG KELAN PINAKASALAN SI LUCY

Mercy Lejarde / SHOWBIZ TALKIES

AS of this writing ay showing pa sa mga sinehan ang Three Words to Forever, ang pelikula kung saan muling nagkaugnay in flesh and blood after ilang dekada ang dating magsyotang sina Sharon Cuneta at Richard Gomez.

Naalala tuloy ni yours truly ‘yung sweet-sweet-an nilang dalawa sa mediacon ng naturang pelikula during Q&A portion na ang kanilang moments and gestures habang nasa stage ay tipong hindi nalalayo sa gestures and sweet moments nina Julia Barretto at Joshua Garcia, lalo na when yours truly asked them something like… “Naaalala pa ba n’yo ‘yung taon na sinabi n’yo sa isa’t isa ‘yung ‘Three Words to Forever’, as in I love you?”

“Ahhh, nu’ng maging magsyota kami ni Sharon, batambata pa kami noon… parang mga teen-ager pa lang yata kami noon…” sabi ni Richard na sinalo agad ni Sharon ng… “Twenty-three ako, ano ka ba?

Twenty-three ka rin noon. Twenty-three kaming dala­wa. Pareho kami ng edad noon. 52 na kami ngayon…”

Salo agad ni Richard, “Mag­syota kami noon, magwaswit kami noon, hahaha! Pero hindi ko alam kung kailan mo ako sinagot, hindi talaga…”

Sabi naman ni Sharon, “Kunsabagay, ‘yung civil wedding n’yo ni Lucy, ‘di mo maalala… (na ikinahalakhak ni Richard) ‘Tong taong ‘to! Hindi ano, isinulat niya noon, Richard loves Sharon... hahaha! Then, ano na…na-develop na… Then, sinagot ko siya after 3 days… October 11, 1989 na tumagal din nang almost 6 years… on and off. Mostly on.”

O, ‘yun na ang nagdaang love story in the past nina Sharon Cuneta at Richard Gomez na muli nilang binuhay sa pelikulang Three Words to Forever, in pernes.