Mga bagets ang suki | FACTORY WORKER NA TULAK, HULI

ARESTADO ang isang 29-anyos na lalaki matapos mabilhan ng iligal na droga ng mga operatiba sa isang buy-bust operation sa Davao City.

Narekober mula sa suspek ang dalawang sachets ng hinihinalang shabu at isang pakete ng dahon ng marijuana.

Talamak umano ang operasyon ng suspek, partikular sa Agdao area kaya nagkasa ng operasyon ang awtoridad laban sa kanya.

Itinanggi naman ng suspek ang mga paratang at aniya, nagtatrabaho siya nang maayos upang makatulong sa gastusin sa kanilang pamilya.

Samantala, napag-alamang mga kabataan ang kadalasang bumibili ng iligal na droga sa suspek. (BRT)