GUZMAN AT AGALOOS, NAKA-2 SILVER AT 4 BRONZE SA WORLD POOMSAE

MULI na namang ipinakita ng mga Pinoy ang kanilang galing sa taekwondo at nanalo ng dalawang pilak at apat na tanso sa 2018 World Taekwondo Poomsae Championships na ginawa sa Chinese-Taipei.

Nasungkit ni Ernesto Guzman Jr. ang pilak sa individual male under 40 at over 30 years old divisions, dalawang araw bago ipagdiwang ang katapangan at kabayanihan ni revolutionary hero Gat Andres Bonifacio.

Sa kabila ng pahirapang laban dahil sa tindi ng kompetisyon tampok ang mga atletang galing sa 59 mga bansa karamihan ay mula Europa at Asya ay ipinakita ni Guzman ang nag-aalab na “Pusong Pinoy” para sa bansa at matagumpay niyang nasungkit ang dalawang pilak. Ang ‘Pinas ay isa sa anim na bansa sa Southeast Asia na lumahok sa biennial meet kasama ang Indonesia, Malaysia, Singapore, Thailand at Vietnam. “I did all my best and used all my skill and experience to win medal. Everytime, I compete overseas, I always think of the country and my countrymen praying and hoping for my success. I’m happy, I made it despite tremendous opposition,” sabi ng 29-anyos na si Guzman.

Nakakuha rin ng tanso sina Jamie Hannah Agaloos, King Nash Alcairo, Jocel Lyn Ninobla, Dustin Mella, Rodolfo Reyes, at Raphael Enrico Mella. Nasungkit ni Agaloos ang tanso sa individual female at nakipagsanib-puwersa kay Alcairo na kinuha ang tanso sa poomsae pair sa cadet division na 12-14 years old.