Dagdag-tax sa gas, pag-aaralan ni P-Duterte — palasyo

PAG-AARALAN ni Pangulong Rodrigo Duterte ang re­komendasyon ng kan­yang economic managers na ituloy ang implementasyon para sa ikalawang yugto ng dagdag na buwis sa produk­tong petrolyo sa susunod na taon.

“The president is stud­ying the latest recommen­dation,” ani Presidential Spokesman Salvador Pa­­nelo.

Ang desisyon umano ng pangulo ay laging nakabase sa pambansang interes at kapakanan ng taumbayan.

Kaugnay nito, mag­hin­tay-hintay muna aniya ang publiko kung ano ang ma­giging pasya ng Punong Ehekutibo.

“Due regard, however, must also be given to the dictates stipulated under the law, which only the Congress can modify,” ani Panelo.

Matatandaang, nilagdaan ni P-Duterte noong Dis­yem­bre ng nakaraang taon ang Republic Act 10963 o Tax Reform for Accelera­tion and Inclusion (TRAIN) Law na nagpataw ng hala­gang P2.50 kada litro ng ex­cise tax sa diesel at P7 kada litro para sa gasolina.

Batay din sa ilalim ng batas, aabot sa kabuuang P4.50 ang dagdag na buwis sa diesel at P9 sa gasolina sa taong 2019 kapag itinuloy ang ikalawang round ng TRAIN Law.