2 parking boys huli sa aktong nagsa-shabu, kulong

INARESTO ng lady kagawad ang dalawang la­laki na nagpa-pot ses­sion sa Sampaloc, Manila.

Kinilala ang mga sus­pek na sina Michael, 19, at Vin­cent Magdael, 28, kapwa parking boys.

Ayon kay Kagawad Lei­lanie Castello, naka­tanggap siya ng impor­mas­yon ka­ugnay sa naga­ganap na pot session sa isang bahay, apat na metro ang layo sa baran­gay hall.

Nabatid na duty offi­cer umano si Castello kaya bini­repika niya ang impormas­yon.

Sa butas ng nasabing bahay, nakita sa akto na bu­mabatak ng shabu ang da­lawang suspek.

Wala umanong tanod nang oras na ‘yun kaya mag-isang sumalakay si Cas­tello gamit ang wooden truncheon at puwer­sa­hang binuksan ang bahay kung saan hindi na­man pumalag ang dalawang suspek.

Kasunod nito, nag­radyo siya sa AH Lacson Police Community Pre­cinct at ipi­na­dala ang mga suspek sa mga rumes­pondeng pulis.