Nagpapanggap na turista, gumagamit ng pekeng passport, etc. — Poe | MODUS NG MGA ILIGAL NA INTSIK, N

NANAWAGAN sa De­partment of La­bor and Employment at Bureau of Immig­ration na mas higpi­tan pa ang pag-iisyu ng visa sa mga Chinese.

Ayon kay Senator Grace Poe, nakaba­ba­hala ang pag­dami ng hindi dokumen­ta­­dong Chinese na nagtatra­baho sa Pilipinas dahil tila mawawalan ng trabaho ang mga Pilipino.

Napag-alamang puma­pasok ng bansa ang nasabing mga dayuhan sa pama­ma­gitan ng pagkukunwari bilang turista ngunit, mag­tatrabaho pala.

Ilang Tsino rin umano ang gu­magamit ng iligal na pasaporte ng Pilipinas para lamang makapagtrabaho sa bansa.

Samantala, ayon kay Atty. Homer Arel­lano, pi­nuno ng prosecution and le­gal assis­tance section ng Immigration, ilang Chinese lamang ang nahuling gum­agamit ng ille­gal Philippine passport.

Ayon naman sa DOLE, ilan sa mga puma­pasok na Chinese ay mga turista ngu­nit, na­kakukuha ng special working permit.

Wala namang tala ang Philippine Amuse­ment and Gaming Corp. sa rami ng Chinese na nagtatrabaho sa online gaming kahit pa ka­ramihan sa mga inisyung spe­cial working permit ay para sa mga Chinese natio­nal na nagtatrabaho sa Phi­lippine offshore gaming ope­rations.

Samantala, sa kabuuang 1.66 milyon tou­rist visas na inisyu ng Department of Fo­reign Affairs, 18 lamang na employment visa para sa Chinese ang naiproseso.

Kaugnay nito, nanawa­gan si Poe na mag­sagawa ng imbestigasyon sa mga ahen­siya at bumisita sa mga lu­gar kung saan sila nagta­trabaho para masigurong may kaukulang dokumento.

Tulad ng ulat na pawang mga Chinese ang magsisil­bing construction workers at contractors sa rehabilitasyon ng Marawi.

Dapat din umanong ma­kipag-ugnayan ang Pilipinas sa gobyerno ng China para ma­sigurong walang criminal record ang sinu­mang papa­sok sa bansa.

Nagreresulta naman sa paglobo ng presyo ng ari-arian tulad ng condominium ang pagdagsa ng mga Chi­nese na maaaring dulot ng ‘superficial market condi­tions’ da­hil sa pangangaila­ngan sa espasyo.