Kung maparurusahan ang employer na hindi pumunta sa kanilang mga mandatory conciliation

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Nais kong malaman kung ano ang posib­leng kaparusahan ng aking dating employer na sinampahan ko ng reklamo sa National Labor Relations Commission (NLRC) sa hindi nila pagdalo sa dalawang mandatory conciliations o mediation conferences kahit na may patunay na natanggap nila ang summons. — North

Dear North,

Para sa inyong kaala­man ang Section 10, Rule V of the 2011 NLRC Rules of Procedure, as amended, ang panuntu­nang naaangkop sa inyong sitwasyon. Ayon sa nabanggit:

“SECTION 10. NON-APPEARANCE OF PARTIES. - The non-appearance of the complainant or petitioner during the two (2) settings for mandatory conciliation and mediation conference scheduled in the summons, despite due notice thereof, shall be a ground for the dismissal of the case without prejudice.

In case of non-appearance by the respondent during the first scheduled conference, the second conference as scheduled in the summons shall proceed. If the respondent still fails to appear at the second conference despite being duly served with summons, he/she shall be considered to have waived his/her right to file position paper. The Labor Arbiter shall immediately terminate the mandatory conciliation and mediation conference and direct the complainant or petitioner to file a verified position paper and submit evidence in support of his/her causes of action and thereupon render his/her decision on the basis of the evidence on record.” (Binigyang-diin)

Malinaw sa nabanggit na ang hindi pagdalo sa ikalawang mandatory conference o mediation conference ng respondent o inireklamo sa kaso sa labor sa kabila ng pagkakatanggap nito ng summons ay maaaring magdulot ng pagkawala ng karapatan nito na makapagsumite ng kanyang position paper. Gayundin, tatapusin na ng labor arbiter ang nasabing mandatory conference o mediation conference at uutusan ang nagreklamo na isumite ang kanyang verified position paper at ang mga kaakibat nitong ebidensiya. Ang kaso ay reresolbahin na ng labor arbiter base lamang sa mga ebidensiyang ipinre­senta ng nagreklamo.

Nawa ay nasagot namin ang inyong mga katanu­ngan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa isang abogado.

Maraming salamat sa inyong patuloy na pagtitiwala.