CYCLING, TABLE TENNIS AT CRICKET TAMPOK SA NPC ‘USAPANG SPORTS’

KAPANA-PANABIK ang ikalawang edisyon ng TOPS (Tabloid Organiza­tion in Philippine Sports) ‘Usapang Sports ngayon sa National Press Club (NPC) sa Intramuros, Maynila.

Dadalo sa talakayan si VP for marketing ng Power­ball at GODFATHER ng Go for Gold na si Jeremy Go at coach Ednalyn Hualda, samantalang ihahayag ni Universal Reality Combat Championship (URCC) at Wrestling Association of the Philippines president Alvin Aguilar ang resulta ng ma­tagumpay na Southeast Asian Wrestling, Grappling and Pankration Champion­ships sa Laguna.

Upang bigyang linaw ang tunay na sitwasyon ng Table Tennis sa bansa ay da­rating din sa public forum ng 10:00 a.m. si Philippine Table Tennis Federation (PTTF) president Ting Ledesma.

Mabibigyan din ng pag­kakataon ang mga mama­mahayag na alamin ang la­rong cricket sa pagdating nina Philippine Cricket As­sociation (PCA) General Manager and tournament di­rector Faisal Khan at Phi­lippine Team captain Jona­than Hill na ilalahad ang World Cup qualifier na ga­gawin sa Disyembre 1-7 sa Emilio Aguinaldo College sa Dasmariñas, Cavite.

Pinamumunuan ni PT sports editor Ed Andaya ang TOPS at hinihiling ang pag­dalo ng mga opisyal at mi­yembro ng organisasyon. (MC)