TATLO SA KORONA NG WPC

ANG ginanap noong nakaraang araw ng Ling­go na grand finals ng 2018 World Pitmasters Cup (Master Breeders Edi­tion-2) 9-Stag International Derby ay nagpatunay nang ipinangako nito – isang la­banan na puno ng ak­siyon at mga sorpresa na madedesisyunan hang­gang sa huling sultada.

Una, si Marcu Del Ro­sario (One Capiz April 7 A.T.F.) ay nabigo sa kan­yang ikawalong laban upang mapanatili ang perpektong iskor, sa­man­talang ang Bicol Group Big Event Sa Pasay Nov. 30 Team Liberator (Aldo-Jomarie/Jimmy Mariquit/BL) na pumasok sa kam­peonato na may bitbit lang na 4 na puntos ay naipa­nalo ang 4 niyang laban upang magtapos na may 8 puntos.

Sa Fight 81, si Arman Santos (Jade Red LDI) na may 7.5 puntos pagkata­pos ng walong laban ay may pagkakataon na ma­solo ang korona subalit kinapos at nabigo sa kala­ban nito na Diesel Alwyn & Ragnar (Vice Tom Tom Hernandez & Marlon Castro), upang maitalaga sa pinakamataas na iskor ang 8 puntos, awtoma­tikong dineklara na kam­peon ang Bicol Group Big Event Sa Pasay Nov. 30 Team Liberator at bi­nuksan ang pinto nang mag­kampeon din ang apat pa na may tig-7 pun­tos na may tig-isang la­ban.

Ang One Capiz April 7 A.T.F. at Fafafa A.S. ay nagtagumpay, subalit ang kina Atong Ang (AA Vir­go 2) at Boy Gamilla (EA Dragon-BMJ) ay hindi. Ang tatlong naka-8 pun­tos na Bicol Group Big Event Sa Pasay Nov.30 Team Liberator (Aldo-Jo­marie/Jimmy Mariquit/BL), Fafafa A.S (Femie Medina/Allan Syiaco) at One Capiz April 7 A.T.F. ni Marcu Del Rosario mula sa Roxas City na ka­bilang sa Thunderbird Winning Team ay nag­salo sa korona. (MC)