Nahulog mula 3rd flr. ng pinapasukan | PINAY SA UAE, TIGOK

NAGPAABOT ng pa­kikiramay ang Depart­ment of Foreign Affairs (DFA) sa pamilya ng 22- anyos na Pi­nay na nasawi nang mahulog mula sa ikatlong palapag na pi­nagtatrabahuhan nito sa United Arab Emirates (UAE).

Ayon sa Philippine Con­sulate General sa Dubai na si Paul Ray­mond Cortes, na­dala pa ang Pinay sa Sheikh Kha­lifa Hospital, pero bi­na­wi­an din ito ng buhay bago dumating sa paga­mutan.

Nakikipag-ugnayan na sila sa mga awtoridad ka­ugnay sa isinagawang im­bestigasyon sa pagka­matay ng Pinay at inaasi­kaso na rin ang mga do­kumento para maiuwi na ang mga labi nito sa bansa.