Trabaho para sa Pinoy, inaagaw | PAGDAGSA NG MGA INTSIK, TALUPAN

MAGSASAGAWA ng imbestigasyon ang Senado kaugnay sa pagdami ng mga Chinese na nagtatrabaho sa bansa.

Sa isang panayam kay Senator Aquilino ‘Koko’ Pi­mentel III, hangad umano nilang malaman sa pagdinig, kung bakit dumarami ang mga manggagawang Chi­nese sa bansa.

Aniya, maaari lamang bigyan ang mga banyagang manggagawa ng work per­mit para sa mga trabahong hindi kayang gampanan ng mga Pilipino.

Samantala, hindi umano dapat maapektuhan ng im­bes­tigasyon ang ugnayan sa pagitan ng Pilipinas at Chi­na.

Kaugnay nito, iimbesti­gahan din ang iba pang ban­yaga kapag napag-alamang nagtatrabaho sila sa bansa at ang kanilang mga trabaho ay kaya namang gampanan ng mga Pinoy.

Matatandaang, sa isang pahayag ni Sen. Joel Villa­nueva, nakababahala umano ang paglobo ng mga iligal na manggagawang Chinese sa bansa, na aniya’y nang-a­agaw sa mga Pinoy ng mga oportunidad sa trabaho.

Nauna rito, 93 Chinese ang nahuli dahil sa pagpa­patakbo ng umano’y illegal on­line gambling sa Pasig City.

May mga Pinoy ding lu­mapit sa Department of La­bor and Employment at Bureau of Im­mig­ration at inireklamo ang mga insidente ng mga Chinese na iligal na nagta­trabaho sa bansa.