Sa mga isip-bata riyan, read n‘yo ‘to, dali! PAGIGING MATURED, NAKAPAGPAPAHABA NG BUHAY!

Jersey Sanchez / Gulat ka 'noh?!

MASINOP at ma­tured ka ba, lodi? Knows ba ninyo na ang pag-uugaling ito ay nakapagpa­pahaba ng buhay? Weh, ‘di nga?

Ayon sa pag-aaral sa U.S. na isinagawa sa 26,000 estudyante sa se­condary school noong 1960, ang pag-uugali ng teenager ay naka­aapekto umano sa haba ng kani­lang buhay.

Isang survey ang isi­na­gawa sa mga kalahok kung saan ang nasabing survey ay naglalaman ng mga tanong tungkol sa per­sonality traits, pagi­ging kalmado, leadership, sensitivity sa nararamda­man ng iba, impulsive­ness, cultural refinement at maturity.

Ang mga kalahok ay sinubaybayan ng mga re­searcher hanggang 2009 kung saan 13 porsiyento sa kanila ay naitala nang namatay, ayon sa Natio­nal Death Index.

Matapos ikonsidera ng mga researcher ang edad, parental education at family income, napag-alaman ng mga ito na ang mga teenager na kalma­do, masinop, empathetic at matured ay nagkaka­roon ng mahabang bu­hay.

Samantala, ang mga kabataan na mayroong kabaligtarang pag-uugali ay nagkaroon ng maba­bang posisyon sa traba­ho, hindi magandang re­lasyon, hindi nakatapos ng pag-aaral at maagang pumanaw.

Dagdag pa rito, ang pagiging immature at im­pulsive ng kabataan ay nakade-develop ng bad health habits kung saan ito ay nakaaapekto sa im­mune system at puso nila.

Kaya ang payo ng mga eksperto, sabayan ng healthy lifestyle ang pagiging mature nang sa gayun ay tiyak na humaba pa ang iyong buhay.

Kaya mga beshy, alam n‘yo na ang pag-uugali na dapat panatilihin, ha?

Okay?