Mekaniko tiklo sa shabu

ISABELA—Isang mekaniko ang inaresto ng pulisya nang makumpiskahan ng shabu, kamakalawa sa Bgy. Rosario, Santiago City sa lalawigang ito.

Kinilala ang suspek na si Gerardo Galang, nakatira sa nabanggit na barangay.

Ayon sa ulat, nagsagawa ng buy-bust operation ang mga awtoridad laban sa suspek at nakumpiskahan ito ng isang sachet ng shabu at markadong pera.

Hindi nanlaban si Galang sa mga awtoridad na humuli sa kanya na ngayon ay nahaharap sa kasong paglabag sa Dangerous Drugs Act of 2002.