Kung maaaring ang nangungupahan ang tumupad sa obligasyon ng may-ari ng lote

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Pinarerentahan ng tatay ko ang lote namin at napagkasunduan nilang babayaran ng tatay ko ang bill sa kuryente at tubig na nagamit bago magsi­mula ang kontrata nila. Subalit, hindi niya ito nagawa at kusa itong binayaran ng nangu­ngupahan. Maaari ba nilang gawin ito kahit walang pahintulot mu­la sa tatay ko na baya­ran nila ang mga bill? — Eddie

Dear Eddie,

Para sa inyong kaala­man, ang inyong kaso ay mayroong pagkakahalin­tulad sa kasong Jennifer Figuera vs. Maria Re­medios Ang (G.R. No. 204264, 29 June 2016, Ponente: Honorable for­mer Associate Justice Arturo Brion) kung saan isinaad ng Kagalang-galang na Korte Suprema na:

“Subrogation of a third person in the rights of a creditor may either be legal or conventional. There is legal subrogation when: (a) a creditor pays another preferred creditor, even without the debtor’s knowledge; (b) a third person who is not interested in the obligation pays with the express or tacit approval of the debtor; and (c) a person interested in the fulfillment of the obligation pays, even without the knowledge of the debtor.

x x x x

A person interested in the fulfillment of the obligation is one who stands to be benefited or injured in the enforcement of the obligation. The court agrees with Figuera that it became absolutely necessary for her to pay the bills since Ang did not do so when the obligation became due.

A clear reading, however, of Article 1302 of the New Civil Code would lead to a different conclusion. The consent or approval of the debtor is required only if a third person who is not interested in the fulfillment of the obligation pays such. On the other hand, no such requirement exists in cases of payment by a creditor to another creditor who is preferred, and by a person interested in the fulfillment of the obliga­tion. Notably, Article 1302 (1) and (3) does not require the debtor’s knowledge” (Binigyang-diin).

Sa inyong sitwasyon, ang pagbayad ng nangu­ngupahan ng utility bills ay base sa pangatlong klase ng subrogation kung saan maaaring bayaran ng taong interesado ang obligasyon kahit pa walang permiso mula sa taong totoong mayroong obligasyon nito. Sa inyong sitwasyon, may­roong interes sa pagbaba­yad ng utility bills ang nangungupahan sapagkat maaaring makaapekto ito sa takbo ng kanyang negosyo. Samakatwid, maaari niyang bayaran ang hindi nabayaran na utility bills ng inyong ama kahit na wala itong pahintulot.

Nawa ay nasagot na­min ang inyong mga kata­nungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormas­yong ibibigay. Mas mainam kung personal kayong sasangguni sa isang abogado.