IMPLUWENSIYA NINA VALDEZ AT JAJA SA VOLLEYBALL FOR FREE, DINUMOG

MALAKING implu­wensiya ang kasikatan nina Alyssa Valdez at Jaja Santiago at iba pang prominenteng volleyball players ng bansa upang dumagsa ang mga lumahok sa volleyball Learn and Play Sports for Free na inilunsad ng Philippine Sports Commission na idinaraos tuwing Ling­go sa Rizal Park sa Qui­ri­no grandstand, Luneta Park.

Kung dati ay bilang sa daliri ang sumasali, ngayon umabot na sa 148 ang naglalaro at ka­ramihan ay kababaihan patunay na sina Valdez at Santiago ng national team na naglaro sa Southeast Asian Games sa Singapore at Malaysia at Asian Games sa In­donesia ang hinangaan ng mga ito.

Nagdagdag na nets para makapaglaro pa ang iba pang nais lu­mahok sa volleyball.

“The growing num­ber of volleyball enthu­siasts is a manifestation many got hooked with volleyball,” sabi ni Ra­chel Ribo-Dumuk, in-charge of the weekly sports activities.

Pumangalawa ang volleyball sa kinagi­gi­liwan at kinahuhuma­lingan dahil nangu­ngu­na pa rin ang zum­ba na umabot sa may 1,114 ang lumahok.

Ito ang pang-walong sunod na linggong pu­malo sa mahigit 1,000 ang umindak sa dala­wang oras na sports ac­tivities na pinangasi­waan ng national coaches.