4 BRONZE, HINAPLIT NG PINOY TABLE NETTERS SA INDONESIA

BIGO man masungkit ang mailap na ginto nakapag-uwi pa rin ang mga Pinoy ng apat na tanso sa katatapos na Southeast Asia Table Tennis championship na ginawa sa tourist paradise sa Bali, Indonesia.

“Our players are determined to win the gold, but breaks went against them and contented to four bronze medals. I’m indeed satisfied because they returned home with medals,” sabi ni Table Tennis Federation of the Philippines Inc. president Ting Ledesma.

Nakasungkit sina Emy Rose Dael, Rose Jean Fadol, Jamaica Sy at Serendrina Balatbat ng tig-2 tanso. Nakipag-alyansa si Dael kay Ryan Jacolo na nakuha ang tanso sa mixed doubles at nakipagsanib puwersa kina Sy, Fadol at Balatbat para sa tanso sa women’s team.

Nakipag-tandem si Sy kay Elijah Chris Yamson na inuwi ang tanso sa doubles at sina Fadol at Balatbat ay tanso rin sa women’s double. Sinabi ni Ledesma na sasali ang mga Pinoy sa labas para mahasa at lumawak ang karanasan bilang paghahanda sa 2019 SEA Games sa bansa. Bagamat hindi nakasali si SEAG bronze medallist Richard Gonzales at World Youth Olympic campaigner Jan Mari Nayre, nagawa ng mga Pinoy na makakuha ng apat na tanso.