Broadcaster huli sa shabu

ARESTADO ang isang dating konsehal at broadcas­ter sa General Luna, Siargao Island, Surigao del Norte.

Kasunod ito ng inilunsad na buy-bust operation ng Philippine Drug Enforce­ment Agency at pulisya.

Kinilala ang suspek na si dating General Luna Coun­cilor Nicasio Sulapas, 52, residente ng Bgy. 5 Pobla­cion at dating radio broad­caster.

Ayon kay General Luna Police C/Insp. Joel Leong, si Sulapas na umano’y lider ng isang drug trafficking group sa Siargao Island ay naaresto matapos magbenta ng isang plastic sachet ng hinihinalang shabu sa pulis na nagsilbing poseur-buyer.

Nakuha mula sa suspek ang pitong sachets ng hini­hinalang shabu at P1,000 marked money.

Samantala, ang nakum­piskang iligal na droga ay tina­tayang nagkakahalagang P5,865. (BRT)