Lider ng Sayyaf, todas sa engkuwentro

PATAY ang itinuturing na isa sa mga sub-comman­ders ng ISIS-linked terror group na Abu Sayyaf sa nangyaring engkuwentro sa pagitan ng militar sa Bgy. Li­maong, Zamboanga City.

Naganap ang sagupaan sa bahagi ng Limaong Island alas-4:00 ng madaling-araw, kahapon.

Kinilala ang napaslang na ASG sub-leader na si Abu Bakar Nibras, isa sa kanang kamay nina Abu Sayyaf Su­preme Leaders Isnilon Ha­pilon at Abdullah Indanan.

Nasawi rin ang isang pi­tong taong gulang na lalaki at kanyang ina na naipit sa la­banan sa pagitan ng mga te­rorista at sundalo sa ila­lim ng Task Force Zambo­anga (TFZ).

Tatlong iba pang menor-de-edad ang sinasabing na­sugatan sa engkuwentro at ginagamot na sa ospital.

Ayon kay Western Min­danao Command Spokes­person Lt. Col. Gerry Be­sana, nakatanggap ng intel­ligence report ang militar k­a­ugnay sa presensiya ng ban­didong grupo kaya agad nagbuo ng operating team ang TFZ at tinungo ang lugar.

Gayunman, habang pa­palapit umano ang tropa ay dito na sila pinagbabaril ng grupo ni Nibras.

Tumagal ng may sam­pung minuto ang bakbakan na ikinasawi ng nasabing ASG leader.