Mommy OFW | ANAK, 7 YEARS INABUSO NG UNCLE

SA pamamagitan ng ipi­nadalang text messages, na­sa­­gip ang isang dalaga sa Pasuquin, Ilocos Norte, na halos pitong taon na uma­nong hinahalay ng kanyang amain.

Batay sa ulat, mismong ang 23-anyos na biktima ang nagpadala ng text sa hotline ng pulisya.

Nakasaad dito ang pag­hingi ng tulong ng biktima dahil pinasok na naman siya ng kanyang amain sa kan­yang silid at may dalang gra­nada na panakot sa kanya.

Agad pinuntahan ng mga awtoridad ang bahay ng bik­tima kung saan naaktu­han nila ang suspek na naka-brief at may hawak na gra­nada.

Ayon sa biktima, 16-an­yos pa lang siya nang si­mulang molestiyahin ng kan­yang tiyuhin. Madalas umano siyang hipuan ng suspek habang na­tutulog siya.

Ilang beses na rin umano siyang nagsumbong sa kan­­yang inang overseas Filipino worker subalit, hindi umano siya pinaniwalaan nito.

Hindi naman itinanggi ng suspek ang paratang la­ban sa kanya. (BRT)