‘Di na kailangan lumuwas ng Maynila | DFA CONSULAR OFFICE SA ANTIPOLO, BUKAS NA

BINUKSAN na ng De­partment of Foreign Affairs (DFA) ang bagong consular office sa SM Cherry Ba­rangay Mayamot sa Anti­polo City kahapon.

Hindi na kailangan pang lumuwas ng Maynila at mag­sadya sa DFA Consular Of­fice sa Macapagal Blvd. ang mga naninirahan sa An­ti­polo.

Sa unang araw kahapon, maaari nang kumuha ng ap­pointment para sa kanilang passport processing ang mga residente ng Antipolo at mga karatig-bayan.

Ayon sa DFA, ilan la­mang ito sa mga consular of­fices na itinayo ng kagawa­ran sa mga lugar at mga la­lawigan para hindi na kaila­ngang gumastos ng malaki sa pamasahe lalo na sa mga OFW para sa proseso ng ka­nilang pasaporte.