OFW nag-suicide

NASAWI ang 31-anyos na dating overseas Filipino worker matapos mag-sui­cide dahil umano sa depresyon sa Caloocan City.

Nakilala ang biktima na si Sheryl Dauz, 31, ng Bgy. 171, Bagumbong Dulo.

Sa inisyal na imbestigas­yon, alas-6:45 ng gabi nang dumating sa kanilang inu­upahang bahay ang live-in partner ng biktima na naki­lalang si Albert Encipido, 31, factory worker.

Laking-gulat na lamang ni Encipido nang makita ang wala ng buhay na katawan ng biktima na nakaluhod sa kanilang higaan habang na­kabigti gamit ang lubid.

Agad ibinaba ni Enci­pido ang bangkay ng biktima bago humingi ng tulong sa kanilang barangay na tuma­wag naman sa himpilan ng Police Com­mu­nity Precinct-6.

Nagsasagawa na ng imbestigasyon upang matu­koy kung may foul play na na­ga­nap sa insidente.