BLAZE SPIKERS, SUSUNUGIN ANG FIRST ROUND SA PSL

TARGET ng Petron Blaze Spikers na walisin ang first round sa pakikipag­sagupa nila sa mainit pang Foton Tornadoes sa Philippine Superliga All-Filipino Conference ngayon sa Filoil Flying V Centre sa San Juan.

Magsisimula ang bakba­kan ng 7 p.m., pakay ng Blaze Spikers ang ika-7 diretsong panalo kontra tigasing Tornadoes, na nagwagi ng lima sa anim na laban sa presti­hiyosong women’s club na isinasaere ng ESPN5.

Kaugnay nito, yayaka­pin din ng F2 Logistics ang ikatlong posisyon laban sa Smart Giga Hitters ng 4:15 p.m. habang ang Generika-Ayala ay tangkang pumatas sa malamyang Cignal HD Spikers laban sa Cocolife Asset Managers ng 2 p.m. sa opening match.

Ang panalo ng Blaze Spikers laban sa Tornadoes ang awtomatikong magla­lagay sa kanila sa top spot at tsansang pumasok sa Pool A kasama ang 3rd, 6th at 8th-seeded teams para sa iba pang round ng aksiyon sa second half ng preliminaries. (MC / VA)