UNRATED JURIPAE NG SULU, NANGGULAT SA YOUTH CHESS; GM CARLSEN, PUMATAS

NANANATILING pa­tas pagkatapos ng pi­tong yug­to ang nagaga­nap na World Chess Cham­pionship na duwelo sa pa­gitan ng kasa­luku­yang kampeon na si GM Mag­nus Carlsen mula sa Nor­way at ang huma­hamon na si Italian-Ame­rican GM Fabiano Caruana sa Lon­don.

Pero noong round 6, si­nasabi ng marami na kum­baga sa boksing, gro­ge na si Carlsen at muntik nang ma­kasilat si Caruana pero ki­napos lang siya ng oras at hindi na mapa­bagsak ang depensa ng Norwegian pag­katapos ng marathon 80-moves, 6.5 oras na bakbakan.

Kasalukuyang napa­ko ang iskor sa 3.5-3.5. Kung sino ang unang ma­kakaiskor ng 6.5 puntos ay siya ang magkakam­peon. Pagkatapos ng 12 games at tabla pa rin, magkakaroon ng serye ng tie­breakers.

Samantala, patuloy ang mga aktibidades sa paghanap ng mga susu­nod na bituin ng chess sa bansa. Sa mga batang di­sipulo ng ahedres sa Sulu, ginulat ni 20th seed Geo­del Juripae ang mga pa­borito sa pamamagitan ng pitong pa­nalo sa loob ng pitong rounds para angki­nin ang korona ng USC­CT Tournament sa San­ta­nina Sports Complex ng Sulu.

Nairehistro ang per­for­mance rating na 1800 para sa unrated na batang kam­peon. Si 13th ranked Gafur Ibba naman ang na­kakuha ng runner-up ho­nors (5.5 pun­tos) saman­talang puma­ngatlo at pu­mang-apat sina Shamier Gandawali (10th seed, 5.0 puntos) at Ramin Gauran (11th seed, 5.0 pun­tos).