Dehins n’yo na raw kailangang mag-sign language, besh! DEVICE NA NAKATA-TRANSLATE NG USAPAN PARA SA

Jersey Sanchez / Gulat ka 'noh?!

KARAMIHAN sa atin ay hirap makipag-usap sa kakilala o kapamilya na­ting may kapansanan da­hil hindi lahat ng tao ay marunong mag-sign lan­guage. Pero, alam ba ninyo na mayroon nang nadis­kubreng device upang hin­di na natin kailangan pang makipag-usap sa pa­ma­ma­gitan ng sign lan­guage?

Wow!

Isang device ang nadis­kubre ng mga dalubhasa na nakapagta-translate ng mga salita sa estilo ng text mes­sage sa loob ng nanose­conds.

Ito ay tinatawag na SpeakSee kung saan ang device na ito ay mayroong built-in microphone na ka­ilangang nakadikit sa dibdib ng sinumang magsasalita.

Kailangan ding ikonekta ang device sa isang appli­cation sa smartphone nang sa gayun ay doon lumabas ang translation ng mga sa­litang nabanggit.

Ayon sa mga nakaim­bento nito, ang device ay para sa mga may kapansa­nan na hirap makasunod sa mga usapan dahil hindi la­hat ng tao ay may kakayahang mag-sign language.

Masasabing epektibo ang device dahil ayon sa mga nakabili at nakasubok nang gumamit ng SpeakSee, 95 porsiyento ang accuracy ng usapan ang nata-translate ng device.

Gayundin, sobrang ma­laki ang maitutulong nito para sa mga beshy nating pipi at bingi. Talaga naman na­paka-high-tech na sa pana­hon nga­­yon, kaya dehins na natin kayang gumawa ng alibi para lang hindi magawa ang gusto natin.

Oh, ayan, mga bro at sis, ito na ang solusyon upang magkaroon tayo nang ma­ayos na komunikasyon sa ating mga kapamilya at ka­kilala na dehins nakapag­sasalita at nakaririnig.

Gets mo?