Tambay todas sa riding-in-tandem

PATAY ang isang 21-anyos na tambay makaraang barilin sa ulo ng riding-in-tandem sa Tondo, Manila.

Kinilala ang biktima na si John Ben Tenafrancia, binata, ng Gagalangin, habang inaalam naman ang pagkakakilanlan ng mga suspek.

Batay sa ulat ni SPO2 Richard Escarlan, ala-1:49 ng madaling-araw nang maganap ang insidente nang biglang sumulpot ang mga suspek na armado ng hindi pa batid na kalibre ng baril sa panulukan ng Maria Guizon at V. Serrano Sts.

Naglalakad umano si Tenafrancia nang dikitan ng mga suspek saka ito malapitang binaril.

Patuloy pang inaalam ang motibo sa pagpaslang.