Lineman nakuryente, dedo

PATAY ang isang line­man ng Green Earth Telecom services matapos itong su­mabit sa kawad ng kuryente habang nag-aayos ng kani­lang linya sa loob mismo ng Police Regional Office-2 sa Isabela.

Nagtamo ng malaking sunog sa katawan nang ma­rekober ang biktimang si Saldifer Espanto, 29, resi­dente ng Alcala, Cagayan.

Batay sa inisyal na ulat, Sabado ng tanghali nang mangyari ang insidente ha­bang umaakyat ang biktima sa isang gusali sa PRO2 headquarters at habang nag­lalakad umano sa bu­bungan ay dumikit ang ka­tawan nito sa isang may malakas na boltahe ng na­kalaylay na live wire at tulu­yang nakuryente.

Idineklarang dead-on-arrival si Espanto sa Cagayan Valley Medical Center.