4 sangkot sa droga, timbog

KALABOSO ang apat na hinihinalang drug per­sonalities matapos mag­wala ang isa sa mga ito dahil di­naya ng mga kasamahan sa tarya sa Caloocan City.

Ayon kay Caloocan Po­lice Community Pre­cinct (PCP) 1 Commander PSI Jef­ferson Guillermo, alas-10:00 ng gabi nang respon­dehan ng kanyang mga tauhan ang tawag mula sa isang concerned citizen hing­gil sa isang lalaki na nagwa­wala at nagsisigaw habang arma­do ng kutsilyo sa loob ng La Loma Cemetery sa Bgy. 130.

Nang mapansin ng nag­wawalang lalaki ang pag­dating ng mga pulis, nag­sisigaw ito na tumak­bo pa­pasok sa isang kubo kaya hinabol ito ng mga operatiba kung saan na­abutan ang isang grupo na sumisinghot ng shabu na naging dahilan upang arestuhin ang mga ito.

Nakilala ang mga na­da­kip na sina Marlon Na­voa, 43; Joey Cuaresma, 42; Je­sus del Rosario, 54, at Ber­nard Bañagan, 25, pawang mga caretaker sa La Loma Cemetery.