Pulis nang-hostage, nag-suicide

DEDO ang isang pulis matapos magbaril sa sarili ilang oras nang i-hostage nito ang isang babae sa Bantay, Ilocos Sur.

Isang tama ng bala sa pisngi na tumagos sa baba mula sa ginamit na sariling service firearm ang sanhi ng pagkama­tay ni PO1 Rolly Dizon, naka­talaga sa Ilocos Sur Pro­vincial Police Office.

Ayon kay Police Se­nior Insp. Ramil Llane­ras, naga­nap ang insidente sa isang bahay sa loob ng subdivision sa Bgy. Ag­gay pasado alas-12 ng ha­tinggabi ng Sabado.

Bigla na lamang uma­nong sinunggaban ni Dizon ang isang babae at sa hindi pa matukoy na da­hilan ay ginawang hos­tage ito.

Rumesponde ang ilang tauhan ng SWAT at kasa­mahan ni Dizon ga­yunman, habang nasa ka­lagitnaan ng negosasyon ay biglang ipi­nutok ni Dizon sa kanyang pisngi ang hawak na baril.

Sinubukan pa uma­nong dalhin si Dizon sa ospital su­balit, dead-on-arrival na ito.

Sa inisyal na imbesti­gas­­yon, inabandona uma­no ni Dizon ang kanyang duty para magpasama sa kan­yang ina dahil masama uma­no ang pakiramdam nito.

Habang sakay ng tray­si­kel ay narinig na lamang ng ina na pinabibilisan ng kan­yang anak ang takbo dahil may mga armadong lalaki umano ang sumu­sunod sa kanila at papa­tay sa kanya.

Iniimbestigahan pa ng mga awtoridad ang pang­ya­yari.