Mister na pulis nagpa-practice shooting | MISIS SAPOL, DEDBOL

PATAY ang isang misis nang mabaril ng kanyang mister sa loob ng kanilang bahay sa Alaminos City, Pan­gasinan.

Nalagutan ng hininga habang nasa ka­lagitnaan ng operasyon sa Western Pan­ga­sinan District Hospital si Jennifer dela Cruz, 45, sanhi ng tama ng bala ng baril sa katawan.

Batay sa paunang imbes­tigasyon, na­pag-ala­mang nagda-dry firing umano ang 44-anyos na mister na si Christopher sa kanyang 9mm pistola sa loob ng ba­hay nang pumutok ito at ti­namaan ang kanyang misis.

Ang dry firing ay isang estilo ng prac­tice shooting gamit ang baril na walang bala.

Agad inaresto ng mga awtoridad si Christopher at na­haharap sa kaukulang kaso.

Paliwanag naman ng pulis, hindi nito alam na may lamang buhay na bala ang baril na kanyang pinag­praktisan.