Para maiwasan ang panloloko ngayong kapaskuhan | Presyo ng noche buena items, hindi gagalaw ayon sa

RYAN B. SISON / BOSES

MAHALAGANG tradisyon sa kultu­rang Pilipino ang noche buena kaya kahit sa susunod na buwan pa ang Pasko ay naglilista na ang iba ng mga iha­handa nila.

Pero, kung ang presyo ng mga pangu­nahing bilhin ay patuloy sa pagtaas, sinigurado ng mga manufacturer ng noche buena items sa Department of Trade and Industry (DTI) na hindi sila magtataas ng presyo hanggang sa kata­pusan ng taon.

Ibig sabihin, hindi kailangang ma­ngamba ang karamihan dahil panigura­dong pasok pa rin ang budget nila sa pagbili ng mga kasangkapan na ihahanda nila sa Pasko.

Kabilang sa mga produkto na hindi gagalaw ang presyo ay sandwich spread, mayonnaise, fruit cocktail na hindi ma­wawala dahil sa fruit salad, pasta na pang-spaghetti o carbonara, keso at keso de-bola.

Gayundin, maging ang panghanda natin sa media noche ay makaliligtas sa taas-presyo basta bumili na bago mata­pos ang taong ito.

Magandang balita ito para sa nakara­rami kaya tiyak na magkakaroon ang lahat ng maligayang Pasko.

Samantala, ang panawagan natin sa mga nagtitinda sa mga palengke ay su­munod na lang sa patakaran at huwag ng dayain ang mga mamimili.

Para sa mga kostumer, maging alerto tayo sa pamimili nang hindi tayo nabi­biktima ng mga pasaway na negosyante.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.