Patay sa wildfire 44 na

UMAKYAT sa 44 ang nasawi sa wildfire at 13 labi ang narekober ng mga bumbero sa Northern California.

Aminado ang awtoridad na hirap silang matukoy ang pangalan ng mga biktima dahil hindi na makilala ang mga ito, gayundin, halos buto na lamang ang naiwan sa ilang mga labi.

Naapula ang sunog sa Camp Fire na dahilan ng pagkadiskubre ng mga awtoridad sa mga bangkay.

Samantala, nagpalabas na ng ‘red flag warning’ ang fire department ng Northern California nang sa gayun ay mailikas na ang mga residente na patuloy pang sinasalanta ng malawakang wildfire.

Gumamit na umano ng 20 helicopters at firefighting air tankers habang 3,000 katao ang nagtutulungan sa pag-apula ng apoy.