Karo sumalpok sa trak, bangkay tumilapon

LUMUSOT sa nabasag na windshield ng karo ng patay ang sakay nitong bang­kay ng lalaki matapos itong maaksidente sa kaha­baan ng Quezon Avenue sa Quezon City.

Kapwa sugatan ang dri­ver ng karo na si Philip Iwarat, 42, at kasama nitong 38-anyos na attendant na si Anthony de Guzman.

Base sa report ng Police Traffic Sector 4 ng Quezon City Police District, binabag­tas ng karo ang kahabaan ng Quezon Avenue nang bu­mangga ito sa isang nakahin­tong dump truck.

Sa lakas ng pagkakasal­pok, nawasak ang harapang bahagi ng karo at nabasag ang windshield nito kung saan dito lumusot ang ulo ng bang­kay.