Anti-Palo Bill, lusot na | DADDY AT MOMMY, LAGOT!

APRUB na sa ikatlo at huling pagbasa ng Kamara ang pa­nukala na nagbabawal ng ma­rahas na parusa sa mga bata.

Sa botong 160 na “Yes” at dalawang “No”, inaprubahan ang House Bill 8239 o kilala bilang “Positive and Non-Violent Discipline of Children Act”.

Layon ng panukala na magkaroon ng positibong uri ng pagdidisiplina sa mga bata upang hindi malabag ang ka­rapatan ng mga ito at hindi maging mara­has kapag lumaki.

Kaugnay nito, ang sinumang magpa­patupad ng ganitong parusa ay kaila­ngang agad na isumbong sa barangay officials o sa pulisya.

Kung matindi ang pananakit o pag­papahiya sa bata, maaaring irekomenda ng barangay chairman ang temporary protection order para mapangalagaan ito.

Ang mga lalabag dito ay isasailalim sa seminar sa positibong paraan ng pag­didisiplina, anger management, chil­dren’s rights, counseling at therapy.

Samantala, kung matindi naman ang pagparusa sa bata, maaaring maharap sa kaukulang kaso ang offender sa kri­men base na sa Revised Penal Code.

Ang pagbabawal sa marahas na uri ng disiplina ay bawal hindi lamang sa bahay kundi pati sa paaralan at iba pang institusyon. (BRT)